Автор: Елена Владимировна Улюмджиева
НОД по калмыцкому языку на тему: «Улан дегтр»
для подготовительной группы
Төр: «Улан дегтр»
Күсл: Хаврин йиртмҗин өвәрцнь шинҗләд, бичкдүдин медрл гүүдүлҗ батлх. Дидактическ наадд, зургуд, презентац олзлад, келлһнә чадвр цааранднь өргҗүлх. Күүкдин оньг, юмар соньмсдг болн юм медҗ авдг сана зүүлһх, шулун-шудрмг болдг дамшрулх. Йиртмҗд дурта болдг болн йиртмҗ әрвлдг, хардг сурһмҗ өгх. Улан дегтрт орсн бамб цецгин, тоһруна, гөрәснә, зурмна тускар медрл батлх.
Давтх: шовудын, аӊгудын, герин малын, өӊгүдин нерәдлһс.
Олзлх эв-арһс: слайд, үзүллһн, күүндвр, келвр тогталлһн, көгҗм, шүлгүд, тәәлвртә туульс, дун,моделирование, сурврт хәрү өглһн, амрлһн, дидактическ болн шулн-шудрмг наадн (д/н «Илвтә шо», х/н «Шаһас цуглуллһн», «Зерлг болн герин мал йилһ»).
Дөӊцл: зургуд, доск, проектор, презентац, мнемосхем.
Кичәлин йовуд:
I.Оргмомент
1. Мендллһн
Бичкдүд, ортн. Төгрг кеһәд, мендлхмн.
Сана седклин гимнастик:
Менд, хавр
Менд, өрүн!
Менд, теӊгр!
Менд, нарн!
Менд, ноһан!
Менд, шовун!
Мендвт, бичкдүд!
Мендвт, багш!
Мендвт, гиичнр!
Багш: Йир сән, ширдг деерән суутн
2. Теӊгрин бәәдлин туск күүндвр тогталһн.
Багш: Бичкдүд, ода болхла, теӊгрин бәәдлин тускар күүндий.
1. Эндр нарта аль бүркг?
2. Салькн үләҗәнә?
3. Хур орҗана?
4. Эндр киитн, серүн аль дулан?
Бичкдүд: Нарта/бүркг, салькн үләҗәнә/үләҗәхш, хур орҗана/орҗш.
3. Мнемосхемар хаврин туск күүндвр тогталлһн.
Багш: Ода болхла хаврин тускар келвр тогтахмн.
2-3 бичкдүд һарад, келвр тогтана.
Бичкдүд: Ода хавр, нарн сәәнәр халулна, ноһан урһна, хур орна, хорхас һарна, өдр утдна, сө ахрдна, шовуд ниснә, шар, улан, цаһан бамб цецгүд урһна, зурмн һарна.